منہاج یوتھ لیگ لاہور کی زونل ٹیم کے اعزاز میں ایک پروقار الوداعی تقریب کا انعقاد کیا گیا۔ تقریب کے مہمانِ خصوصی ناظم اعلیٰ تحریک منہاج القرآن انٹرنیشنل خرم نواز گنڈاپور تھے، جبکہ صدارت مرکزی صدر منہاج یوتھ لیگ رانا وحید شہزاد نے کی۔ تقریب میں نائب ناظم اعلیٰ تنظیمات انجینئر محمد رفیق نجم، نائب ناظم اعلیٰ میڈیا افیئرز نور اللہ صدیقی، مرکزی جنرل سیکرٹری منہاج یوتھ لیگ ڈاکٹر عمران یونس، صدر تحریک منہاج القرآن لاہور اقبال حسین باجوہ، ناظم تحریک منہاج القرآن لاہور علی رحمت، سابق صدر تحریک لاہور پروفیسر ذوالفقار علی اور سابق ناظم لاہور امجد علی چوہدری سمیت اہم رہنماؤں نے خصوصی شرکت کی۔
مرکزی صدر منہاج یوتھ لیگ رانا وحید شہزاد نے لاہور زون کی کارکردگی کو زبردست الفاظ میں سراہا اور حاجی فرخ اعجاز خان، مبین بلال اور ان کی ٹیم کو مثالی خدمات پر خراجِ تحسین پیش کیا۔ انہوں نے کہا کہ لاہور زون کی ٹیم نے جس عزم و جذبے سے مشن مصطفویؐ کے پیغام کو عام کیا، وہ تاریخ میں ہمیشہ یاد رکھا جائے گا۔ اس موقع پر خطاب کرتے ہوئے ناظم اعلیٰ منہاج القرآن انٹرنیشنل خرم نواز گنڈاپور نے بھی لاہور زون کی شاندار کارکردگی پر مبارکباد دی اور کہا کہ فرخ اعجاز خان اور ان کی ٹیم نے جس خلوص اور جانفشانی سے کام کیا وہ آنے والی نسلوں کے لیے مشعلِ راہ ہے۔ تقریب کے اختتام پر منہاج یوتھ لیگ لاہور کی زونل ٹیم کو بہترین خدمات کے اعتراف میں شیلڈز اور اسناد سے نوازا گیا۔
تبصرہ